2017.02.06【親親我好媽】米雪竟然係江美儀阿媽 網友：成...

chanwaiying

【親親我好媽】米雪竟然係江美儀阿媽　網友：成件事錯晒！　
https://www.hk01.com/%E5%A8%9B%E ... %E9%8C%AF%E6%99%92-
撰文： 溫菁莉
發佈日期： 2017-02-06 17:52
最後更新日期： 2017-02-06 17:52

去年拍攝期間因「飛紙仔」情况嚴重而傳停拍的無綫劇集《親親我好媽》終於在今晚首播，劇集都未出街已經有不少網友都在討論區留言話「飛紙仔飛到停廠，對劇情冇期望」，「又要延續關電視機」， 究竟劇情會發展到點，都要睇一排先知。


估唔到米雪同江美儀相差16歲已經要做母女，求網友心理陰影面積。

套劇今晚(6日)播第一集，雖然劇情就未知係點，但套劇叫得做【親親我好媽】，都好明顯係「媽媽真的愛你」式師奶劇，至於演員方面，大家都可以留意返，陣容有米雪及江美儀飾演母女；盧宛茵及黃智賢飾演母子。網友一見到咁嘅陣容，第一時間都話「成件事錯晒! 」因為睇返四位演員嘅外形，根本好難有說服力。根據資料顯示，米雪及江美儀分別是61歲同45 歲，二人年輕相差16歲，最慘係兩人點睇都似兩姊妹多過兩母女。而盧宛茵及黃智賢仲大件事，分別是63歲同49歲，二人只相差14歲。雖然話拍劇唔一定要跟真實年齡，不過點都要顧下觀感，tvb係咪真係冇人到咁呢?

講返去年「飛紙仔」一事，有傳女主角江美儀拍攝時因劇本上文不接下理，向當時仍是TVB助理總經理杜之克投訴。而當時正在放假的戲劇製作總監曾勵珍得知事件後，下令停廠4日，要求寫好劇本先再開廠及有人需為停廠負責任，這人被指是該劇監製關永忠。網友均認為人物背景問題歸咎於一班幕後身上，並表示藝人改劇本對電視圈不是一個健康的發展，希望TVB可以改善。


去年因「飛紙仔」嚴重搞到要停廠嘅劇集《親親我好媽》終於在今晚首播，唔少網友對劇集抱觀望態度。


對於米雪及江美儀飾演母女；盧宛茵及黃智賢飾演母子，網友似乎唔太受落

waiwai

都話搵米米做江的阿媽，真係錯得好離譜