米米家族 米雪国际影迷网 Michelle Yim Clan

 找回密码
 注册 Register
搜索
查看: 636|回复: 1

[其他] 2019-01-30劉錫賢目標半年減四十磅

[复制链接]
发表于 2019-1-30 05:58:10 | 显示全部楼层 |阅读模式
本帖最后由 小雯雯 于 2019-1-30 06:00 编辑

劉錫賢
香港文匯報訊(記者 梁靜儀)劉錫賢昨日到新城電台接受訪問。提到他早前入院差點要做通波仔手術,問到現時身體狀況?他表示用了三個多星期減了十幾磅,主要是晚上戒食澱粉質,少食多餐,最辛苦是日行萬步,其他人就以為好簡單,不過減肥後,行步路都比之前輕鬆。問到目標減多少磅?他說:「我原本重二百七十幾磅,醫生話想我半年內減四十磅以上。」

劉錫賢指黃秋生知道他身體有事後,即時叫他減肥,又介紹助手睇開的營養師給他,更說跟住餐單食很見效,他便問秋生可有食過,他就好坦白說沒吃過,更說那麽難食嘅嘢一定唔食,聽完後他當然沒去睇。此外,米雪就教他用水煮食物來吃,亦有送中藥給他進補,令他十分感激。

他指現時要食藥,血管能否通就未知,並發現原來他是塞了四條支血管,並非主血管,而支血管好難通到,而且通一條要十二萬,四條就要四十八萬,即使全塞都唔會有危險,只會肌肉痛。他謂因工作未明朗,身體又有事很多事要擔心,故目前要減磅及減壓。http://paper.wenweipo.com/2019/01/30/EN1901300017.htm
 楼主| 发表于 2019-1-30 06:00:27 | 显示全部楼层
https://hk.on.cc/hk/bkn/cnt/ente ... 0129_00862_001.html


通一條血管12萬 270磅劉錫賢慳家減肥續命
01月29日(二) 16:59

劉錫賢表示塞咗4條支血管,通一條血管要12萬。
1/3
藝人劉錫賢上新城電台接受訪問,提及早前進行通波仔手術,最後改為減肥方案,最近由270多磅減至263磅,亦開始習慣日行萬步,在頭一個星期「特訓」時叫苦連天:「餓都冇事,但要行咁多真係人生最辛苦嘅事,其他人就以為好簡單,依家夜晚唔食碳水化合物、少食多餐、每餐食酌量、行路咁減。」問目標要瘦幾多磅?他表示如果按照醫生標準來減肥就好「大濟」:「佢想我半年減到40磅以上,係標準嚟,不過佢都唔敢逼我嘅。」不過總算大步檻過。

秋生米雪提供健康資訊

劉錫賢表示身體出現警號後,黃秋生即時為他推薦有私人營養師:「佢第一時間叫我減肥,畀咗佢助手睇開嘅營養師我去睇,話非常有成效,問佢有冇睇過,佢話呢啲咁難食嘅嘢先唔食。(咁你有冇去搵?)冇呀,哈哈!」而米雪就教他水煮食物方法,亦有送中藥進補,他十分感謝好朋友關心!

問若減肥成功,心血管閉塞情況可會得以改善?他笑言現時有食藥:「通唔通番就要睇佢自己(血管)。」繼而自爆險做通波仔手術的過程:「真係推到入手術室嗰刻先知原來係塞咗4條支血管,就唔係主血管,醫生話支血管好難通到,同埋佢又為咗我荷包着想,通一條要12萬!又話即使全塞都唔會太大影響、唔會太危險,都係肌肉痛,依家要減磅、減壓!」
您需要登录后才可以回帖 登录 | 注册 Register

本版积分规则

Archiver|手机版|米米家族 - 米雪国际影迷网

GMT+8, 2020-7-15 06:19 , Processed in 0.108364 second(s), 20 queries .

Powered by Discuz! X3.4

© 2008-2017 MichelleClan.com

快速回复 返回顶部 返回列表