米米家族 米雪国际影迷网 Michelle Yim Clan

 找回密码
 注册 Register
搜索
查看: 2222|回复: 24

[转贴] 2010-08-08 東方日報"女人最痛"專訪

[复制链接]
发表于 2010-8-8 11:36:09 | 显示全部楼层 |阅读模式
中女雪恥:要爭氣!

人生每個階段都浮現不同問題,「中女」亦然。已屆「中女」之齡的張可頤、滕麗名、江美儀與米雪四美聚首一堂,
齊為「中女」解謎,可頤妙論「敗犬」一詞,米雪智談「中年雙失」,滕麗名認同江美儀之言,做第三者就攞苦嚟辛!


阿滕與美儀發現有好用化妝品,會互相送贈;可頤與米雪在訪問後雞啄唔斷,感情好到不得了。








名= 滕麗名儀= 江美儀雪= 米雪頤= 張可頤

問題一:
「中女」謎團之一「整容」!女人再靚,都敵不過歲月,整容彷彿成為女人不想變老變醜的「救星」,四美點睇整容?

名:如果個樣唔好睇到會令自己有心理障礙,我覺得未嘗不可,但要小心上癮,因為整開會一路整落去,其實女人有自信,都已經係一種美。可以嘅話最好唔好,其實女人內涵好重要,如果一個人講嘢淡而無味、無內容嘅話,再靚都無用。

雪:但我覺得若果一個人自信不足,整少少可以靚好多,我會鼓勵。

儀:我整過架……(眾人:嚇?)棚牙,好多謝屋企人,喺我十三歲嗰陣同我箍牙,我之前哨牙哨到合唔埋個嘴,箍咗之後,除咗棚牙整齊番,連帶個鼻都挺埋,靚咗好多,但我都有付出,當時剝咗四隻牙,痛足三年。

名:我細個原本都想箍牙,但剝咗四隻牙之後,醫生話我因為牙太薄,唔箍得。

頤:美儀以前同依家分別咁大,都想睇下啲相;整容我覺得有需要,可以令外觀順眼啲嘅話,我都唔反對,但一定唔好整得太過分,追住嚟整,要識得滿足。


張可頤
問題二:
香港不少女性擁有自己事業,經濟獨立,但到了中年卻仍然單身,難免會惹來一些閒言閒語,日本更用上了「敗犬」二字來形容……

雪:咩人都會有敵對,唔鍾意你嘅話,大把閒話同花名講,無需要放喺心。

頤:把口生喺人哋到,唔理得咁多!

雪:「敗犬」都係一個代號啫。

儀:我覺得我中年單身又關人咩事呢?自己開心咪得囉,女人靚唔靚唔係重點,最緊要有自信,有自信就會有光彩,呢樣嘢無人畀到你。

頤:其實「敗犬」呢兩個字,係咪一啲自大又自卑嘅男人想出嚟o架?

眾人:Yeah!

儀:等啲自卑嘅男人感覺好過啲,哈哈。

雪:係囉,點解唔可以用啲靚啲嘅名呢? !

名:例如「女優」,都幾好吖!

儀:「優女」好啲!

雪:優女好似憂女咁,「女優」喺中國字面解優秀女性嘛。


江美儀
問題三:
女人為事業衝、衝、衝,到了某個年紀就會發現一啲尷尬狀況:身邊的未婚男人看不上眼,好男人又全已婚,想放下事業談戀愛?卻又可能會不自覺愛上已婚男。若這情況發生在她們身上,又會怎面對?

儀:鍾意人唔一定要講,暗戀得唔得呀?講出嚟,咪即係拆散人哋,遠角度咁去欣賞下,都幾好吖!永遠得唔到嘅嘢係最靚,一埋身睇就唔得架嘞,可能係千瘡百孔架,做第三者真係攞苦嚟辛!

頤:我係一個怕麻煩嘅人,鍾意生活簡單一啲,唔想去處理一啲複雜嘅問題,若果真係好鍾意嗰個結咗婚嘅人,咪靜靜咁欣賞佢囉,唔會有行動,因為有行動嘅話,又唔知會出現啲乜嘢問題,唔值得,若果兩個人真係有緣分嘅話,人哋都唔會結咗婚啦,何必勉強!

名:我好認同美儀同可頤嘅講法,靚嘅嘢,都唔可以樣樣擁有啦!


米雪
問題四:
人到中年,最害怕的是甚麼?劇中米雪飾演之角色汪海鯨失業兼失婚,若她們不幸「中年雙失」,又會點面對?

名:我好認同美儀同可頤嘅講法,靚嘅嘢,都唔可以樣樣擁有啦!

儀:做人最緊要唔好依賴任何人,就算父母都唔可以,始終父母都會有離開嘅一日,所以,自己照顧到自己最重要,就算中年雙失,都可以勇敢面對。

頤:事業等於經濟,經濟等於獨立,獨立等於自由,人生有起有落,一定要未雨綢繆,咁先唔會怕變化。

儀:仲有若果依家身居要職嘅人,要有「返到轉頭」嘅準備,就算咩都無曬,都可以去做收銀、做企堂,唔好有過往風光嘅包袱,無嘢係永恆架。

名:就算嫁咗人,都千祈唔好同時代脫節,唔可以完全依賴一個人,否則嗰個人一離開你,就會好似世界末日咁,結咗婚都要保持自己的朋友圈子,張可頤好多年前已經成日同我講:錫自己、爭氣呀!

鼓勵女人站起來
雪:其實我哋講咁多,都係鼓勵一啲遇到咁嘅情況嘅人,面對困境點樣去重新站起,首先要重整自己嘅心理,記住後面仲有得追,立即識番多啲朋友、睇多啲新聞、同社會同步,努力儲錢,未雨綢繆,花無百日香,仲要學一個豁達嘅心態,將啲唔好嘅事,向好嗰方面諗,咁就無嘢難倒你。

名:無錯,就好似甩拖咁,都可以諗自己自由咗好多,雖然好似有啲阿Q精神,但正面思想,對任何人都有益無害。

後記:米雪想影寫真?!
「三個女人一個墟」,四個女人是非堆,但四位女藝人因一齣電視劇《女人最痛》走在一起,卻建立了深厚友誼。問四女何解感情如此好?米雪想了想笑言:「因為我哋思想成熟,懂得包容,再加上大家都係好專心工作嘅人,所以相處得好舒服。」

四人之中,人生閱歷最豐富的米雪,對很多事都有獨特見解,故每逢友人遇上問題亦愛找米雪充當「智者」。她認為從電影和電視劇中可看到人生百態,若有女性朋友遇上婚姻問題,她會先叫對方看看周星馳、吳君如主演的《望夫成龍》,便會明白戲中帶出的道理:已婚女人要與時並進,否則只會被嫌棄。談到o靚模寫真,米雪笑言還是青春少艾有興趣參與,可趁青春留倩影,但可惜之後推出的卻愈走愈歪,對社會造成不良風氣。

場地:ALBISTRO MEDITERRANEAN Restaurant & Bar(意堡地中海餐廳)

髮型:Paul@Salon Nice(米雪)、Raymond@LA Chioma-IL COLPO GROUP(江美儀)

採訪:影視組

攝影:黎志輝

轉自 http://orientaldaily.on.cc/cnt/entertainment/20100808/00282_014.html

本帖子中包含更多资源

您需要 登录 才可以下载或查看,没有帐号?注册 Register

x
发表于 2010-8-8 11:55:31 | 显示全部楼层
米中女这身黑太帅了。
发表于 2010-8-8 12:02:20 | 显示全部楼层
哎呀,沙发被抢了,坐板凳
发表于 2010-8-8 12:23:52 | 显示全部楼层
米米好漂亮,回答的好好!
发表于 2010-8-8 12:38:46 | 显示全部楼层
哈哈哈~
米米这身段!
发表于 2010-8-8 12:40:09 | 显示全部楼层
剛才即刻落街買報紙雜誌,好多收穫呢
发表于 2010-8-8 12:47:19 | 显示全部楼层
剛才即刻落街買報紙雜誌,好多收穫呢
waiwai 发表于 2010-8-8 12:40



    wai买了些什么报纸 可以告诉我么,`  有没有报纸杂志是这个图片的??
   仲有啊,` 今期TVB周刊是女人最痛封面哇,~!!!
发表于 2010-8-8 13:28:22 | 显示全部楼层
好靓的米米哇
发表于 2010-8-8 13:37:01 | 显示全部楼层
wai买了些什么报纸 可以告诉我么,`  有没有报纸杂志是这个图片的??
   仲有啊,` 今期TVB周刊是女 ...
镫带夏雪 发表于 2010-8-8 12:47



    candy 已打在標題,就是 [東方日報] 登的

我當然有買埋TVB 周刊啦,怎能抗拒
发表于 2010-8-8 13:54:36 | 显示全部楼层
黑色代表着高貴,有報紙看就是好麼~~我也想買收藏。。
謝謝Candy~~好東西來咯
您需要登录后才可以回帖 登录 | 注册 Register

本版积分规则

Archiver|手机版|米米家族 - 米雪国际影迷网

GMT+8, 2017-11-25 02:30 , Processed in 0.088941 second(s), 27 queries .

Powered by Discuz! X3.4

© 2008-2017 MichelleClan.com

快速回复 返回顶部 返回列表